香港十五公里挑戰賽

今朝又係五點幾起身，煮公仔麵食完就坐小巴去西貢，
啱啱趕唔到由西貢去麥村的小巴，
唯有迫 94 號巴士，勁多人攪到我地無位坐呀，
我就話為興趣去跑步無所謂啫，
老婆就為了陪我，又要早起又要迫巴士又幫我地影相，
多謝妳呀！

今日帶左部大相機，所以影出來的相都很有質素，
但這張相影到我掛住周圍望，好唔專心比賽呀...

近來我的狀態都是麻麻地，可能經常食下午荼，
食得多又少運動，肚腩凸晒出黎，
今日可以 1 小時 28 分完成勁多斜路的賽道已經滿意了，
要諗下辦法操練啦，如果唔係追唔到毅行隊友啦...

跑完步，影下相，去西貢飲茶，
最喜歡悠悠閒閒享受週日假期。