為豬平反

你對豬的印象如何？肥、蠢、盹、懶？

但有否想過，如果沒有豬，人類將會冇啖好食：

你一出世，屋企人就會煲豬腳薑，
小時候，誰都喜歡在街邊吃豬紅豬皮、炸大腸，
阿媽十次煲湯最少五次用瘦肉或者豬骨，
有時刁鑽 d 會煲豬肺湯幫阿爸去煙蹟，
在粥麵舖我們常吃豬手撈、豬腰潤粥，
在日式拉麵店食豬軟骨拉麵，
在快餐店食焗豬扒飯，
在西餐廳食燒肋骨，
在泰式食店食燒豬頸肉、豬肉串燒，
在中式食市食五花腩、扣肉、胡椒豬肚湯、燻蹄，
在燒味店食乳豬、燒肉、叉燒，
唔想出街食會開罐頭煮午餐肉火腿公仔麵，
或者煮飯仔蒸排骨、肉餅...

物盡其用，人類還用豬毛造牙刷、毛筆、小毛掃！

豬呀豬，難道你是上天創造來服侍人類的嗎？
下次見到豬，我怕我會忍唔住同佢講聲多謝...

在迎接豬年的日子，
或許你可以嘗試欣賞一下豬的貢獻，
在罵人時避免用上「豬咁蠢」、「豬兜」、
「豬蘿」、「豬標」、「豬油膏」等語句。

最後，謹祝各位豬年發過豬頭！