愉景灣站越野跑

四月廿九日星期日，參加愉景灣站越野跑，
這一天早上不太順利，竟然忘記帶頭盔手套出門，
賽會為安全起見，規定參加者必須帶頭盔參賽，
幸好認識大會職員 Irene，借來極醜樣兼不合頭形頭盔暫用，
但那天的出賽做型就認真麻麻...

來自澳門的朋友 Alice 趁留港空檔來打氣，
天氣陰陰涼加上今次比賽是全新路線，
兼且第一次聯同阿胡一起出戰，所以玩得頗投入及開心，
而比賽中較特別的一段是在水塘游水，幾有新意。

賽後和朋友飲飲贊助商的啤酒，然後在沙灘沖個靚涼，
抽獎時間回復幸運，獎品是沒多大用途的單車鏈小配件，
然後我們一行五人在海旁 Zaks 餐廳食午飯，
雖然食物質素只屬一般，但露天雅座襯山、海、沙灘景，
正合我們的悠閒心情，所以食得頗暢快。

回家後，老婆煲了冬瓜冬菇肉粒湯，
啱晒賽後需要補充大量水份的我，
總括這一天，過得很滿足。